Sturla Kristjánsson

Sturla er kennari með löggildingu sem sálfræðingur á Íslandi og í Danmörku. Hann hefur alþjóðleg réttindi sem Davis® rágjafi (Davis® Facilitator), Davis® námstækniráðgjafi (DLS School Mentor) og Davis® námstæknikennari (DLS Workshop Presenter).

Sturla hefur alþjóðleg réttindi til að stunda dáleiðslu og dáleiðslumeðferð. Hann hefur áratuga reynslu af uppeldis- og skólamálum sem kennari, námsráðgjafi, sálfræðingur, forvarnafulltrúi, skólastjóri og fræðslustjóri.  

Sturla leitar nýrra leiða við greiningar og meðferð sértækra námsörðugleika. Þjónustan beinist að jákvæðum, sterkum þáttum og styrkingu sjálfsmyndar.  

Sturla hefur stundað öflugt sjálfsnám um árabil og einbeitt sér að málefnum bráðgerra barna, barna með athyglisbrest/ athyglisbrest með ofvirkni, (ADD/ADHD), og lesblindra. Hann hefur sótt í smiðju til þeirra, sem telja að sértæk vandamál í skóla megi helst rekja til einhæfra aðferða sem ekki taki nægilegt tillit til mismunandi þarfa nemenda og námsstíls.  

Illt er að sá á klöpp, - finnið frjósama spildu og sjáið árangur.